Mila esker FreeCAD diruz laguntzeko duzun interesagatik.

FreeCAD azkar hazten ari den proiektua da, boluntarioki lanean ari diren garatzaileen eta erabiltzaileen komunitate batek garatua, modelizatzaile parametriko libre eta 3D formatukoa sortzeko nahiaren inguruan bildua. FreeCADen garapena batez ere pertsona horien energiari esker gertatzen da, dirurik behar izan gabe.

Hala ere, dirua lagungarria da beste helburu batzuk betetzeko. Zenbait garatzailek proiektuan sarriago edo modu erregularragoan lan egin dezaten lortu daiteke, haiei diruz lagunduta, FreeCADen erabiltzeko denbora gehiago izan dezaten, edo komunitateari laguntzeko balio dezake, zenbait pertsona CADi lotutako topaketetara joan daitezen eta, horrela, FreeCAD erakutsi diezaieten erabiltzaile profesionalei. Gure kabuz topaketak antolatzeko ere balio dezake, gure komunitateko kide zenbaitek biltzeko, zerbitzariak eta web zerbitzuak ordaintzeko eta beste hainbat gauzatarako.

FreeCAD proiektuari laguntzeko dirua emateko modu desberdinak daude, bai banako gisa bai enpresa gisa edo erakunde gisa, zure nahiaren arabera. Proiektuari ematen diozun dirua FreeCAD proiektuaren elkarteak (FPA) jasoko du. FreeCAD administratzaileek eta garatzaile nagusiek sortutako irabazi asmorik gabeko elkarte bat da. FPA elkarteak jasotako dirua garatzaileen artean banatuko da eta FreeCADen garapenerakozenbait proiektu, ahalegin eta ideiak garatzeko erabiliko da.

Gogoratu, hala ere, FreeCAD beti izango dela librea. Inoiz ez duzu ezer ordaindu behareko FreeCAD erabiltzeko, eta ezta hura aldatu edo banatzeko. Zure dirulaguntza ongi etorria izango da eta asko lagundu dezake, baina inoiz ez dizugu eskatuko ezer ordaintzeko FreeCADen eginbideak erabiltzeko.

Ezin baduzu modu erregularrean lagundu, edo seguru ez bazaude, baina proiektuari lagundu nahi badiozu, laguntza bakarra eman diezagukezu, berdin dio zein den diru kopurua.

Aukeratu nahieran zenbat diru eman nahi duzun behin bakarrik:

Babesleek FreeCAD proiektuari behin eta berriz laguntzen diote diruz. Hori banakako gisa edo enpresa/erakunde gisa egin daiteke, kanal eta plataforma anitzen bidez, zure nahien arabera.

FreeCAD proiektuari lagunduz, bere garatzaileek diru-sarreren fluxu egonkorra izango dute, eta horrela, aldez aurretik planifikatu, ahal izango dituzte eta garapena sendotasun gehiagoz gauzatu ahal izango da.

Laguntzeko modu desberdinak sortu ditugu, pertsonek zein enpresek FreeCAD proiektuari lagundu diezaioten. Proiektua modu erregularrean laguntzean, salbu eta anonimo izatea nahi baduzu, zure izena, enpresaren izena eta/edo logoa eduki ahal izango dituzu webgune honetan, eman duzun laguntza motaren arabera:

• ♥ Babesle arrunta: hilean 1 USD / 1 EUR baino gehiago. Zure izena ez da hemen agertuko, baina hala ere proiektuari laguntza ederra emango diozu. Babesle normalek proiektua mantentzen laguntzen dute, babesle handiek bezainbeste.
• 🥉 Brontzezko babeslea: hilean 25 USD / 25 EUR baino gehiago. Zure izena edo zure enpresarena orri honetan agertuko da.
• 🥈 Zilarrezko babeslea: hilean 100 USD / 100 EUR baino gehiago. Zure izena edo zure enpresarena orri honetan agertuko da, eta zure webgunearen esteka bat eta lerro bateko deskribapen-testu bat izango duzu.
• 🥇 Urrezko babeslea: hilean 200 USD / 200 EUR baino gehiago. Zure izena edo zure enpresaren izena eta logoa agertuko dira orri honetan, eta zure webgunearen esteka bat eta deskribapen-testu pertsonalizatua erakutsiko dira. Hasieratik FreeCADi lagundu dioten enpresak urrezko babesle gisa ere agertuko dira.

Hilero laguntza txiki bat eman ordez, erosoagoa izan dakizuke behin bakarrik egitea dohaitza handiago bat, hamabigatik zatitzen bada babesletzaren figura emango dizuna. Ez izan zalantzarik horretarako!

Aukeratu nahieran zenbat diru eman nahi duzun hilean behin:

Esaiguzu foroan duzun izena edo sare sozialetako ezizena zure transferentziaren ohar modura, edo bidali posta-mezua, zure laguntzaren aitortza egokia egin dezagun.